Kryetari i Haraçinës: Nuk jemi të sigurt, policia i dinë kërcënuesit!

Kryetari i komunës së Haraçinës, Ridvan Ibrahimi, në konferencë për media, ka shpjeguar arsyen e vendimit që administrate komunale të jetë e mbyllur për një javë.

Ai ka thënë se ky vendimi është marrë pas incidentit që ka ndodhur ditën e martë.

”Këtë konferencë e kemi caktuar si rezultat i disa incidenteve që kanë ndodhur në të kaluarën, ndodhin edhe tani. E nëse e lëmë kështu pa mos reaguar do të ndodhin edhe në të ardhmen. E dinë organet e rendit, i njohin edhe personat që kërcënojnë jo vetëm mua si kryetar por edhe gjithë administratën. Andaj nga e marta pas atij incidentit komuna do të jetë e mbyllur deri të zgjidhet rasti i plotë”, ështrë shprehur kryetari i komunës së Haraçinës, Ridvan Ibrahimi. Ai nuk ka zbuluar emra se nga kush është kërcënuar, ndërsa në polici është bërë denoncimi.

Ndërkohë, Ministria e Brendshme përmes një komunikate ka bërë të ditur se ka se një 69 vjeçar nga ky fshat ka bërë kërcënimet dhe se ndaj tij do ndërmerren masa penale ligjore. Gjithçka siç thuhet nga MPB ka të bëjë me një lëndë për dhënie në shfrytëzim të një toke.(INA)