Në vigjilje të fundjavës dhe ditës së Ilindienit, 2 gusht, kur pritet fluks më i madh turistësh në Ohër dhe Strugë, Kryqi i Kuq i Strugës, apelon deri tek vizitorët, sidomos tek ata që nuk dinë të notojnë, të respektojnë rekomandimet e shpëtimtarëve.

Pjesë e plazheve më të frekuentuara në Strugë, sipas sekretarës organizative të Kryqit të Kuq – Strugë, Adhurime Dauti, nuk i plotësojnë kushtet për not dhe rekreim të turistëve dhe nuk kanë shpëtimtarë në ujë.

‘Apelojmë sidomos tek turistët që nuk dinë të notojnë të mos shkojnë  në zonë të nënvizuar’ tha ajo.

Vetëm dhjetë plazhe të koncesionuara këtë vit kanë nënshkruar marrëveshje me kryqin e kuq në Stugë, që kanë angazhuar 23 shpëtimtarë të trajnuar.