Qeveria shqiptare ka vendosur tu bëjë një dhuratë të veçantë besimtarëve myslymanë, veçmas atyre në qarkun e Durrësit me rastin e ditës së Kurban Bajramit. Ministrja e Zhvillimit Urban, Eglantina Gjermeni i ka dorëzuar Komunitetit Mysliman në qarkun e Durrësit lejet legalizimit për 35 xhami. Dhënia e këtyre lejeve shënon dhe përfundimin e procesit të legalizimit të objekteve të kultit të këtij komuniteti në Durrës.
Myftiu i Durrësit Redi Quku e vlerësoi maksimalisht këtë dhuratë që iu bë komunitetit mysliman në një ditë feste si ajo e Kurban Bajramit, si dhe bashkëpunimin me ALUIZNI-n dhe bashkinë e qytetit.
Ministrja Gjermeni nga ana e saj ka gjetur rastin të nëvizojë vendosmërinë e qeverisë për të ecur nmë shpejt në procesin e legalizimeve. “Sot ndamë 35 leje legalizimi për objektet e kultit të komunitetit mysliman në Durrës. Një prej këtyre, leja e parë që i dhamë Myftiut ishte objekti i 20 mij-të i legalizuar në këto 3 vite në këtë qark” tha ajo. Sipas ministres puna po ecëm mirë edhe për legalizimin e objekteve të kultit edhe të komuniteteve të tjera fetare. “Ne jemi angazhuar që në krye të herës, që me mbarimin e mandatit të parë qeverisës (2013 – 2017) do legalizojmë kryesisht zonat informale. Dhe jam plotësisht e bindur që do ta arrijmë këtë objektit”, tha Ministrja Gjermeni.