Lajm i ëmbël, reperja e famshme shtatzënë për herë të katërt

Reperja Cardi B është në pritje të fëmijës së saj të katërt, të parin me të dashurin e saj, lojtarin e NFL-së Stefon Diggs.

Muzikantja 32-vjeçare ndau lajmin e lumtur sot, më 17 shtator, gjatë një paraqitjeje në CBS Mornings, transmeton Indeksonline.

“Do të kem një fëmijë me të dashurin tim Stefon Diggs,” zbuloi ajo, duke shtuar, “Jam e emocionuar. Ndihem shumë mirë. Ndihem e fortë dhe e fuqishme sepse po i bëj të gjitha këto ndërsa mbaj dhe krijoj një jetë të re brenda meje.”

Ajo foli gjithashtu për marrëdhënien e tyre: “Unë dhe partneri im e mbështesim vërtet njëri-tjetrin. Jemi në një fazë të ngjashme në karrierën tonë dhe ndiej se jemi vërtet të shkëlqyer në atë që bëjmë, ndoshta edhe ndër më të mirët. Mendojmë njësoj: Po, jemi të shkëlqyer, një nga më të mirët, por çfarë vjen më pas? Çfarë bëjmë më pas? Nuk relaksohemi kurrë, nuk qëndrojmë kurrë në vend. Gjithmonë shtyjmë përpara, kjo është ajo që jemi”.