E ardhmja e Lionel Messit vazhdon të ngelet një tymnajë e madhe pasi argjentinasi edhe gjatë vitit 2017 vazhdon të jetë në qendër të vëmendjes për shkak se nuk po i jep drejtim karrierës së tij.

Media të ndryshme ndërkombëtare po raportojnë çdo ditë dhe më shumë një largim të mundshëm të Messit nga ‘Camp Nou’, shkruan SYRI.net.

Tashmë është rrjeti informativ francez “Football.fr” e cila ka dalë në konkluzionin se klubi i Barcelonës është lodhur nga kjo situatë dhe është dakord për të negociuar me skuadrat e tjera për shitjen e Messit.

“Barça e hapur në negociata për një transferim të Messit?” – Ky është titulli i shkrimit i cili bazohet në deklaratën e disa ditë më parë të menaxherit të përgjithshëm të Barcelonës, Oscar Grau.
“Ne jemi duke punuar me sens të përbashkët dhe maturi. Por Barcelona nuk mund të kalojë 70% të buxhetit të saj me pagat e lojtarëve. Ne nuk mund të bëjmë çmenduri, çfarëdo lojtari që të jetë”, ka thënë Grau duke lënë të nënkuptohet se Barcelona nuk do t’i plotësojë dëshirën Messit.

Kujtojmë që ditën e sotme në media është përfolur një ofertë e Manchester Cityt prej 115 milionë eurosh në drejtim të Barcelonës për të rëmbyer Lionel Messin i cili shihet si shpëtimtari i Guardiolës në krizë rezultatesh.