Shkak i protestës është arrestimi i gjashtë aktivistëve të kësaj partie për sulmin me zollë në Kuvendin e Kosovës.

Sipas protestuesve të LVV-së, Policia e Kosovës ofron shërbime të ndryshme, përveç misionit që e ka, pasi është përfshirë në skandale dhe është treguar e aftë që të montojë procese.

“Qytetarët kanë humbur besimin në Policinë e Kosovës. Lirimi i aktivistëve është i domosdoshëm dhe është i drejtë”, ka thënë Teuta Rrusta.

Aktivistët kanë bërë të ditur se do të vazhdojnë edhe me aktivitete tjera.