Në mbështetje të Komunës së Çairit, me rastin e 106 vjetorit të lindjes së Anjezë Gonxhe Bojaxhiu – “Nënë Tereza” dhe në prag të shenjtërimit të saj, në Galerinë Kombëtare të Arteve në Shkup-“Hamami i Daut Pashёs” organizoi manifestimin letrar ““Nëna e dashurisë së paqes”. Në manifestimin morën pjesë poetë nga Kosova, Shqipëria dhe Maqedonia.

Valbona Zunqe –Pajaziti ideatore dhe organizatore e këtij projekti tha se Gonxhja e jonë ishte një qenje njerëzore e imët nga trupi, por një shpirt të madh dhe emër gjigant në damarët e  së cilës gjatë gjithë jetës kishte qarkulluar gjaku shqiptarë.

Kryetari i këshillit komunal të Komunës së Çairit Zahir Bekteshi tha se në shënimin e kësaj datlindjeje i dedikohet një zonje të madhe, nga sfera e humanitetit, tolerancës, mirëkuptimit dhe dashurisë”.

Për nder të 106 vjetorit të lindjes dhe në pragë të shenjtërimit të Nënës Terezë me zërin e këngëtarëve poeteve dhe penës së tyre i kënduan punës dhe virtytit të saj.