Shkup, 13 nëntor – Propozim-ligji për ndryshime dhe plotësime të Ligjit për tatimin e vlerës së shtuar e kaloi leximin e parë para Komisionit kuvendor për financim dhe buxhet.
“Propozohet të hiqet përjashtimi ekzistues nga TVSH-ja për importin e dërgesave me vlerë të ulët, deri në 22 euro, të dërguara nga jashtë vendit tek marrësit në Maqedoni. Propozimi parashikon gjithashtu lirim nga TVSH-ja për dërgesa të vogla jo-komerciale të dërguara nga një person fizik nga jashtë vendit tek një person fizik – marrës në vend me një vlerë deri në 22 euro. Megjithatë, parashikohen edhe përjashtime nga ky lirim, përjashtimi tatimor nuk vlen për kategori të caktuara produktesh: alkool dhe pije alkoolike, parfume dhe ujë tualeti dhe duhan dhe produkte duhani”, tha zëvendësministri i Financave Nikolçe Jankulovski, i cili e shpjegoi tekstin e propozuar para Komisionit.
Sipas Jankullovskit, arsyeja bazë për të cilën bëhet ndryshimi dhe plotësimi i zgjidhjes së përhershme ligjore është krijimi i një kornize juridike më të qartë, parandalimi i keqpërdorimeve dhe kushteve më të drejta për ekonomizim.
“Megjithatë, mbetet mundësia që qytetarët të marrin dërgesa personale nga jashtë vendit deri në 22 euro pa paguar TVSH, gjë që është shumë e rëndësishme nga një perspektivë sociale”, theksoi zëvendësministri.
Ai kujtoi se një direktivë e BE-së nga viti 2021 hoqi përjashtimin nga TVSH-ja për dërgesat e vogla tregtare.
Sipas deputetit nga e Majta Rexhep Ismail, ky projektligj është vetëm një justifikim politik që do t’i godasë përsëri ata me të ardhurat më të ulëta.
Komisioni gjithashtu i dha “dritën jeshile” projektligjit për shndërrimin e kërkesave të Republikës së Maqedonisë së Veriut të bazuara në detyrimet publike në një depozitë të përhershme në Ndërmarrjen Publike për ekonomizim me objektet për sport në pronësi të Republikës së Maqedonisë – Shkup.