Marrëveshja Shqipëri-Turqi për dronët e mërzit Greqinë: Forca revizioniste që duan të na kthejnë pas
Dy ditë më parë qeveria shqiptare firmosi marrëveshje me Turqinë për të blerë tre dronë tëflotës ‘Bayraktar’. Marrëveshja shqiptaro-turke për sigurimin e armëve duket se ka mërzitur Greqinë fqinje.
Ministri i Jashtëm grek Niko Dendias, gjatë një konference për shtyp dje nga Tirana me homologen shqiptare Olta Xhaçka, shprehu pakënaqësinë e tij për afrimin mes Turqisë fqinje dhe Shqipërisë.
Dendias theksoi praninë e forcave revizioniste të cilat “duan të kthehemi në kohë dhe në perceptime të tjera dhe të ndikojmë në Ballkanin Perëndimor”.
“Synimi i tyre nuk është vetëm bashkëpunimi, por krijimi i zonave të influencës, të cilat nuk janë as në përputhje me acquis-në evropiane, as me perspektivën evropiane dhe as me vlerat evropiane”, tha Dendias.
Pas nënshkrimit të marrëveshjes për blerjen e dronëve ‘Bayraktar’, kryeministri Edi Rama vlerësoi presidentin turk Rexhep Tajip Erdogan për ndihmën e tij.
“Ne nënshkruam një kontratë eksporti me Shqipërinë, një vend ku kemi ecur me shekuj dhe ndajmë lidhje të forta historike, kulturore dhe humanitare”, tha në një deklaratë CEO i kompanisë turke të dronëve.
Vizita e Dendias në Tiranë përkoi me një deklaratë të bërë për EURACTIV nga kreu i PD-së Sali Berisha, i cili tha se Turqia ndërhyri për të anuluar një marrëveshje detare të vitit 2009 Greqi-Shqipëri.
“Turqia është pa dyshim një mik, një partner, por me një doktrinë të neo-otomanizmit që unë nuk do ta pranoj,” tha ai, duke iu referuar rreth 600 viteve të sundimit osman turk në rajon.
Ndërkohë, kryeministri grek Kyriakos Mitsotakis pritet të vizitojë Shqipërinë sot dhe konkretisht rajonin e Himarës ku jeton një minoritet grek.
Mitsotakis të shoqërohet nga Rama për disa nga takimet që fillimisht ishin planifikuar për të nesërmen e samitit BE-Ballkani Perëndimor.
Një grindje e vogël diplomatike shpërtheu në të njëjtën kohë kur Rama i tha EURACTIV në një intervistë se Greqia kishte “mashtruar” gjatë pranimit të saj në BE. Kjo shkaktoi reagime të forta në Athinë dhe u pasua nga një falje prej Ramës.