Zyrtarët shëndetësorë të Bostonit (SHBA) janë të shqetësuar, sepse për shkaqe ende të panjohura dhjetëra mëllenja kanë rënë papritmas nga qielli në një kuart të qytetit.

Autoritetet e qytetit të Bostonit kanë njoftuar se në kuartin Dorchester të qytetit kanë rënë 47 mëllenja, prej të cilave 35 kanë ngordhur, transmeton njoftimet Koha.net.

Grupi për Mbrojtjen e Kafshëve ka njoftuar se në atë lokalitet ka dërguar ekspertët dhe ka këshilluar qytetarët që të mos lejojnë kafshët e tyre shtëpiake t’iu afrohen, pas një mace ka ngordhur në atë vend.

Mëllenjat e ngordhura janë dërguar në Universitetin Tufts për analiza, ndërsa rezultati pritet javën e ardhshme.