Mexhiti sfidon kundërshtarët: Do të largohen kur të shohin rezultatet

Pasi kreu votimin, kandidati për kryetar të Çairit Izet Mexhiti, është prononcuar për media.

“Z. Mexhiti, është përmendur se në rast se fitojnë kundërshtarët tuaj politik, mund të kërkojnë edhe zgjedhje të jashtëzakonshme në nivelin qendror”, ishte pyetja e gazetarëve për Mexhitin.

Mexhiti u shpreh:

“Unë edhe njëherë uroj mbarëvajtje të procesit të përmbyllet kështu si festë. Kur t’i shohin rezultatet, janë të njohur që i ndërrojnë qëndrimet dhe me ua përmend zgjedhjet qendrore do të ikin fare”, ishte mesazhi i tij drejtuar kundërshtarëve politik.