Acari dhe dëbora kanë pushtuar një pjesë të konsiderueshme të vendit, ndërsa pritet që gjatë ditës së nesërme situata të përkeqësohet.

Sipas meteorologëve, temperaturat nën zero gradë Celsius dhe erërat e fuqishme pritet të sjellin gjatë fundjavës një situatë problematike në mbarë territorin e vendit.

Zonat më problematike, sipas meterologëve do të jenë, Peshkopia, Bulqiza dhe Kukësi ku pritet që temperatura të shënojë vlera deri në -17 e -20 gradë Celsius.

Ndërsa në Tiranë, temperaturat priten të shënojnë sërish rënie me minus 5 deri në minus 7 gradë Celsius.