Trajneri i Manchester United, Jose Mourinho, e konsideron të shkuar tentativën e Djajve të Kuq për ta transferuar Cristiano Ronaldon.
Pesë herë Topi i Artë është lidhur me një rikthim në Old Trafford, nëntë vjet pasi që ishte larguar nga skuadra angleze, atëbotë në shumë rekorde.
Mourinho sidoqoftë dyshon se një marrëveshje mund të arrihet këtë verë.
“Besoj që Real Madridi nuk mund ta shesë, është e ndaluar”, ka thënë Mourinho për gazetën portugeze Record.
“Ai duhet që të qëndrojë deri në momentin që ata e autorizojnë që të shkojë dhe të luajë një vit në Amerikë ose kudo tjetër që ai dëshiron ta shijojë. Është derë e mbyllur”.
