Kryeministri i Republikës së Kosovës, Isa Mustafa, ngushëlloi familjen Ramadani dhe qytetarët e Kosovës, pas ndarjes nga jeta të nënës Fetije, nëna e Heroit të Kombit, Agim Ramadani.

“Kryeministri Mustafa shprehu dhimbjen dhe pikëllimin për humbjen e nënës që i dha Kosovës një hero të madh të kombit, një intelektual brilant dhe një luftëtar të paepur të lirisë”, thuhet në telegramin e ngushëllimit të Kryeministrisë.

“Qytetarët dhe institucionet e Republikës përkulen para familjarëve të heronjve dhe dëshmorëve të kombit që i dhanë Kosovës bijtë dhe bijat e tyre, të cilët me luftën dhe veprimtarinë e tyre i sollën vendit lirinë, demokracinë dhe pavarësinë”, citohet të ketë thënë kryeministri Mustafa, me këtë rast.