Sekretari i Përgjithshëm i NATO-s, Jens Stoltenberg, i ka bërë thirrje Rusisë që të përdorë ‘ndikimin e saj të konsiderueshëm’ te rebelët në lindje të Ukrainës për t’i dhënë fund konfliktit.

Gjatë një konferencë për shtyp, Stoltenberg tha se armëpushimi në Ukrainën lindore është shkelur më shumë se 5,600 herë gjatë ditëve të fundit, duke lënë rreth 20 mijë njerëz pa energji elektrike, transmeton arbresh.info.

Ai ka bërë thirrje për respektimin e të ashtuquajturës marrëveshje të paqes dhe për përmbushjen e marrëveshjes që parashikon tërheqjen e armatimit të rëndë nga zona.