Ndërron jetë Sefer Dehari, donatori i tokës për ndërtimin e Shtëpisë së artistëve në Tetovë

233

1

Në moshën 81 vjeçare ka ndërruar jetë sot, Sefer Dehari, donatori i dheut për ndërtimin e shtëpisë së Artistëve mbi Gajret ë Tetovës, tokë kjo, e cila do kujtojë gjithnjë këtë njeri me shpirt të madh, bujar, dhe dashamir të artit.

Donacioni nga ana e tij erdhi si peshqesh për ndërtimin e shtëpisë së Artistëve në malin Sharr, pas pamundësisë për të gjetur një tokë apo vend adekuat për ndërtimin e shtëpisë, që filloi në Vitin 2010.

Ndërkohë kryetari i shoqatës z. Bejtuli e përkujton atë me fjalë të mëdha:

Para se të ndërrosh jetë, Ti mbolle përjetësinë tënde mbi Sharr, ndërsa artit i shtove edhe një ngjyrë, me nuanca humane, e bashkë me të, mundësive ngritjen e edhe një lapidari që do qëndrojë mbi djersën tënde – shpirt i pavdekshëm i Sharrit. Zoti do të bukurën, ndërsa Ti me djersën tënde i dhe asaj shpirt… Të qoftë i lehtë dheu mbi trupin tënd, ndërsa puhiza e Sharrit qoftë flladi i përjetshëm i parajsës për shpirtin tënd të madh e human..

Me përulje – Nevzat Bejtuli – KICA

Kryetar i Shoqatës së Artistëve figurativ

Comments