Një rrebesh shiu, i shoqëruar me erë të fortë, ndërpreu në momentin më kulminant sfidën e “Loro Boriçit”, duke prishur festën e 16 mijë të pranishmëve në stadiumin e rikonstruktuar në momentin që ndeshja ishte fiksuar në shifrat 1-1.

Një nga shkaqet  kryesore të shtyrjes përfundimtare të takimit ishte edhe mungesa e sinjalit që prodhohej nga Shkodra për të gjithë kanalet që kishin siguruar të drejtat e transmetimit të këtij takimi, përfshirë këtu edhe TVM-në.

Në këtë mënyrë, kuqezinjtë mund të shpresojnë te 15 minutat e mbetura, pasi ata kanë mundësi të kthjellohen për të kërkuar golin sërish në “Loro Boriçi” me rikthimin në fushë ketë të martë në orën 14:00, kur do të rinisë edhe takimi, i cili do të transmetohet ekskluzivisht në TVM2.

Ishte Sadiku sulmuesi nga Elbasani që në minutën e 9 ngriti peshë stadiumin me një gol të gjithin personal. Aliovski barazoi rezultatin 1 me 1. Ndoshta ky nuk ishte debutimi ideal për kuqezinjtë në eliminatoret e Botërorit 2018, por 15 minutat e mbetura japin ende sinjale shprese për të rrëmbyer trepikëshin e parë për djemtë e Gianni De Biasit.

Kosova në ndërkohë ka barazuar një me një në debutimin e saj ndaj Finlandës.