“Ndrysho”, kënga më e re nga Flaka Krelani!
Flaka Krelani është emër shumë i dashur për publikun.
Këngëtarja ka njoftuar fansat që më 12 shtator publikohet kënga e re nga ajo, shkruan lajmi.net.
“Ndrysho”, mban titullin projekti i ri nga Flaka, tekstin e të cilës e ka shkruar Qëndrim Krelani, kurse për videoklipin e këngës është përkujdesur “InFilms”.
Për lajmi.net, Flaka ka treguar se ky nuk është projekti i vetëm që sjell gjatë kësaj periudhe, pasi kënga e radhës del në fillim të muajit tetor.
“Nuk do të ketë këngë vetëm me videoklipe, por edhe vetëm këngë në versionin audio. Prej shtatorit do të jem e pandalshme, pasi secili këngëtar i ka disa faza të jetës derisa të stabilizohet në diçka”, ka thënë Flaka. /Lajmi.net/
