Në komunën Çashkë, afër Velesit, për herë të parë është zbatuar një aktgjykim për dënim shtëpiak me mbikëqyrje elektronike, njoftoi Sektori i Provës. Personi i dënuar mori një byzylyk elektronik në kyçin e këmbës dhe do të duhet të qëndrojë në vendbanimin e tij për një periudhë prej tre muajsh, me leje për qëndrim jashtë deri në maksimum dy orë në ditë, përcjell TV21.
Nëse ai nuk i respekton rregullat ose kufizimet e vendosura nga gjykata, zyrtarët nga Sektori i Provës do ta njoftojnë gjykatën për veprimet e mëtejshme. Nga Ministria e Drejtësisë theksojnë se ky model i ekzekutimit të dënimit është më ekonomik për shtetin dhe më human për kryerësit, veçanërisht kur bëhet fjalë për persona në moshë më të shtyrë.