“Nëse dështon Ukraina, shteti im është i radhës”, paralajmëron në Davos kryeministri i këtij vendi

121

Kryeministri sllovak ka lëshuar një paralajmërim të mprehtë për të ardhmen e vendit të tij nëse Rusia e mund Ukrainën gjatë një paneli në Forumin Ekonomik Botëror në Davos, të mërkurën.

“Nëse Ukraina bie, Sllovakia është e radhës”, u tha kryeministri Eduard Heger liderëve të tjerë të BE-së.

“Ata (Ukraina) duhet të fitojnë”, tha ai.

Moebel THEMA

Heger vazhdoi të kritikonte anëtarët e Bashkimit Europian se u mbështeten shumë në energjinë ruse. Ai u bëri thirrje udhëheqësve që të “ndalojnë kompromentimin” e parimeve të tyre kur kanë të bëjnë me Rusinë.

“Ne në thelb i këmbyem vlerat tona me gaz dhe naftë të lirë për një kohë të gjatë. Kompromisi me Putinin shkaktoi një luftë në Ukrainë. Një luftë agresive, njerëzit po vdesin”.

Ukrainasit “po derdhin gjakun e tyre për vlerat tona, kështu që ne nuk duhet ta bëjmë”, tha Heger.

Comments