Një turk ka goditur me grusht dhe ka kafshuar një oficer policie në kufirin kroato-serb

Policia kroate ka arrestuar një shtetas turk 62-vjeçar për sulmin dhe plagosjen e një oficeri policie në pikën kufitare Bajakovo me Serbinë, raportuan mediat lokale. Sipas raportimeve, turku fillimisht e goditi me grusht dhe më pas e kafshoi oficerin.

I dyshuari u transferua në paraburgim për një muaj dhe u akuzua për një krim, tha policia.

Incidenti ndodhi më 28 gusht gjatë një kontrolli kufitar në “Bajakovo”, kur 62-vjeçari refuzoi t’ia dorëzonte dokumentet një oficeri doganor, i cili thirri policinë. Turku gjithashtu refuzoi urdhrat e tyre, dhe më pas goditi një nga oficerët me dorë në trup.

“Për të zmbrapsur sulmin ndaj vetes dhe për të parandaluar rezistencën, oficerët e policisë përdorën forcë kundër të dyshuarit, por ai vazhdoi të rezistonte dhe e kafshoi të njëjtin oficer policie në dorë”, thuhet në deklaratë.