Real Madrid është me një këmbë në gjysmëfinale pasi shkatërroi 3-0 skuadrën e Juventusit në ndeshjen e parë të vlefshme për Champions League.
Ronaldo bëri të pamundurën duke shënuar një gol të jashtëzakonshëm.
Tifozët e ‘Zonjës së Vjetër’ bënë gjestin e madh pasi duartrokitën Ronaldon i cili mposhti Buffonin me rafishatë.
I gjithë stadiumi u ngrit në këmbë për të respektuar atë gol që magjepsi botën e futbollit.
“Ka qenë një moment i mrekullueshëm të pranoj duartrokitje nga stadiumi i Juventusit. Jam shumë i lumtur dhe i falënderoj të gjithë tifozët e Juventusit, nuk më kishte ndodhur kurrë në karrierën time”, deklaroi Ronaldo pas ndeshjes.
Ky ishte goli i 14 i Ronaldos në këtë sezon, ndërsa ka arritur të shënojë në 10 ndeshje radhazi.