Pagesa e bonusit të Vitit të Ri për pensionistët ka filluar në Shqipëri, njoftoi Ministrja e Ekonomisë dhe Inovacionit, Delina Ibrahimaj, raportojnë mediat shqiptare.
Pensionistët me të ardhura mujore nën 200 euro do të marrin më shumë para nga shteti.
“Pagesa e bonusit të Vitit të Ri në shumën prej 100, ose 150 eurosh, ka filluar sot. Ky bonus është një mbështetje e merituar për mbi 760 mijë përfitues. Nga këta, 541 mijë pensionistë, të cilët marrin deri në 200 euro në muaj, do të përfitojnë një bonus prej 150 eurosh, ndërsa 221 mijë pensionistë që marrin mbi 200 euro do të marrin një bonus prej 100 eurosh”, shkroi Ibrahimaj.
Për këtë qëllim, qeveria ka ndarë fonde në vlerë prej 97 milionë eurosh.
Vitin e kaluar, pensionistët në Shqipëri morën një bonus të Vitit të Ri me shuma identike, dhe në pranverë atyre iu dha një bonus tjetër prej 50 dhe 100 eurosh.