Pasi u pyet për gjendjen e të birit, i cili lufton një sëmundje të rëndë, Bonuccit iu mbushën sytë me lotë.

“Tani ai është më mirë. Ishte një gjë që më bëri të mësoj për t’iu dhënë rëndësinë e duhur gjërave. Matteo ka dëshmuar që është një luftëtar. Ai nuk hoqi dorë kurrë dhe nuk u dorëzua. Ai bëri mrekulli duke i bashkuar tifozët e të gjitha ekipeve”, deklaroi Bonucci.

“Tani situata është përmirësuar. Matteo është më mirë dhe kjo ka rëndësi”, shtoi Bonucci, i cili falënderoi të gjithë tifozët italianë për mbështetjen që ia kanë dhënë atij dhe familjes, në një periudhë shumë të vështirë.