Politikania nga Kosova, Rada Trajkoviq, e kishte paditur presidentin e Serbisë, Aleksandar Vuçiq, dhe drejtorin e të ashtuquajturës zyrë për Kosovë, Marko Gjuriq.
Ajo i pati paditur me arsyetimin se e kanë rrezikuar sigurinë e saj personale me deklaratat e tyre publike pasi që kjo kishte dëshmuar në Prokurorinë e Republikës së Kosovës rreth vrasjes së Oliver Ivanoviqit.
Megjithatë, Prokuroria në Serbi e ka hedhur poshtë padinë ndaj Vuçiqit dhe Gjuriqit, ka deklaruar Trajkoviq për gazetën beogradase Danas.