Pas dështimit të nënshkrimit të deklaratës së përbashkët të liderëve për Demarkacionin, AAK jep versionin e saj të ngjarjes.Muharrem Nitaj, anëtar i Kryesisë dhe Zëdhënës i AAK’së, pas dështimit të nënshkrimit të një deklarate të përbashkët të liderëve të Pozitës dhe të Opozitës për Demarkacionin, ka dhënë një sqarim – sipas versionit të tij.

Kjo është deklarata e tij:

Është për keqardhje se si një deklaratë e dakorduar, pothuaj deri në detaje, sobotohet e nuk nënshkruhet në memontin e fundit.

Megjithëse partitë opozitare kishin bërë të pamundurën në harmonizimin e një deklarate të përbashkët, duke u treguar bashkëpunuese e duke pranuar një dokument që nuk paragjykon rezultatin e zgjidhjes së çështjës së demarkacionit, Pozita sot I wshtw kthyer edhe njëherë këngës së vjetër “për ta lavdëruar” marrëveshjen e vet me të cilën e ka futur vendin në telashe.

Krejt cka është kërkuar nga AAK dhe Kryetari i saj Haradinaj, ka qene që fjalës shqyrtim t’i shtoheshin dy germa (ri), kjo në frymën e përmbajtjës së dokumentit, sepse e gjithë fryma e tekstit të deklaratës, ka qenë rishikimi i një procesi, pa e paragjykuar rezultatin.

Kjo është deklarata që nuk është pranuar nga dy partnerët e Qeverisë së Koalicionit”.

Republika e Kosovës

Deklarata

Në frymën e dialogut të brendshëm politik dhe me qëllim të zhvillimit dhe konsolidimit demokratik, forcimit të institucioneve te Kosovës, avancimit të integrimeve euroatlantike dhe ruajtjes e kultivimit të marrëdhënieve me të gjithë partnerët rajonalë e ndërkombëtarë.

Subjektet politike parlamentare, Partia Demokratike e Kosovës (PDK), Lidhja Demokratike e Kosovës (LDK), Lëvizja VETËVENDOSJE!, Aleanca për Ardhmërinë e Kosovës (AAK) dhe Nisma për Kosovën (NISMA), zotohen se do të punojnë së bashku për gjetjen e zgjidhjes për demarkacionin me Malin e Zi.

Subjektet politike parlamentare do të punojnë së bashku me qëllimin e arritjes së koncensusit në çështjen e demarkacionit me Malin e Zi. Palët nuk ndërmarrin veprime për këtë çështje, për sa kohë që dialogu vazhdon.

Subjektet pajtohen që (ri)shqyrtimi i Marrëveshjes për Demarkacionin e Kufirit me Malin e Zi, të jetë në përputhje me integritetin territorial dhe ligjet e Kosovës, interesat dhe proceset integruese te vendit, dhe parimin e respektimit reciprok mes Republikës së Kosovës dhe të Malit të Zi për fqinjësi të mirë dhe partneritet, si dhe parimin e së drejtës ndërkombëtare.

Subjektet pajtohen të punojnë së bashku në frymën e vullnetit të mirë, derisa hollësitë (mekanizmat) për zgjidhjen e çështjes së demarkacionit do të përpunohen brenda pak ditësh. Ftojmë edhe subjektet e tjera për bashkëpunim.