Qeveria merr tatim për ndihmat e Kryqit të Kuq të destinuara për banorët e përmbytur (Video)

131

Image result for hasanbeg

 

Nga 10 për qind apo 1420 denarë, Qeveria ka tërhequr si tatim nga paratë e lëshuara nga Kryqi i Kuq për familjet e dëmtuara nga vërshimet e 6 gushtit në rajonin e Shkupit. Ndihmat e lëshuara për çdo familje janë nga rreth 13 mijë denarë, përcjell Telegrafi Maqedoni.

Sekretari i përgjithshëm i Kryqit të Kuq, Sait Saiti theksoi se Qeveria në këtë mënyrë nga 3515 familje ka arkëtuar 5 milionë denarë.

Sipas tij, në Kryqin e Kuq kanë rezerva nga donacionet për rreth 300 familje të tjera, të cilat mund të paraqiten ditëve në vijim.

“Eventualisht mund të ketë familje të cilët nuk janë paraqitur, për këtë moment kemi lënë rezervë shumë të vogël dhe nëse ditëve të ardhshme nuk paraqiten familjet plotësuese, atëherë në mënyrë të njëjte, lineare do të ju paguhet këtyre familjeve që janë në listës e komisionit”, u shpreh për Tv21, Sait Saiti, sekretar i përgjithshëm i Kryqit të Kuq.

Për dallim nga dje ku shumica e banorëve theksonin se nuk kanë marrë ndihmë nga Kryqi i Kuq, sot një pjese e banorëve theksuan se kanë marrë ndihmë.

“Isha në bankë, i mora diku rreth 13 mijë e 200 denarë. Avansin nuk e kanë bërë për shumicën e banorëve. Kjo shumë nuk mjafton për mua personalisht por as për askënd nuk mjafton. Është një shumë e vogël”, tha Ismail Rramani, banor në Hasanbeg.

“Unë tash isha dhe i mora, 13 mijë e 200 denarë. Cfar do të bëjmë me 600 euro. Por vetëm janë për mbijetu edhe ndonjë ditë”, tha Qemal Jahiu banor në Hasanbeg.

Moebel THEMA

Një pjesë e qytetarëve thonë që asnjë denarë nuk kanë u ka mbërri nga Kryqi i Kuq.

“Nëpër xhepat tonë nuk ka hy asnjë feni. Kam marrë 500 euro vetëm që t’i mbulojmë sytë. Tjetër asgjë nuk kam marrë. Në këtë rrugë që jetoj unë askush nuk ka marrë. Ata që s’kanë marrë pasoja kanë marrë, kanë marrë qeveria dhe të tjerë pare të cilat i takojnë të varfërve”, tha Isen Maksuti, banor në Hasanbeg.

“Për momentin s’kemi marrë asgjë, as prej Kryqit të Kuq e as ato 500 euro. Shkoj nëpër banka më thonë s’ka. Në rrugën tonë vetëm 3 shpija ka 500 euro kanë marrë a këtu ka afër 100 shtëpia“, tha Shaban Musliu, banor në Hasanbeg.

Kishte edhe banor që kishin marrë të holla të shpërndara nga Kryqi i Kuq.

Vizituam edhe pjesën e Stajkovcës ku shumica e banorëve kishte marrë avansin dhe ndihmë por thonë se ajo nuk mjafton për tu kthyer në shtëpitë e tyre.

“Dje burri im ishte në bankë dhe e pa se kishin lëshuar 250 euro dhe më herët kanë lëshuar avansin prej 500 eurove. Me këtë shumë nuk mund të blesh asgjë. Krejt që janë dëmtuar janë teknikë e bardhë”, tha Jasmina Jovanova banore në Stajkovcë.

Banorët kërkojnë që premtimet për riparimin e banesave të tyre të behët më shpejtë pasi që ata tashmë ka mbetur pa shpresë.

Comments