Rashiq: Qeveria e Kosovës nuk e ka asnjë votë nga Lista Serbe për Demarkacionin

229

Moebel THEMA

Rashiq

Nenad Rashiq i ka quajtur të pavërteta pretendimet e qeveritarëve se i kanë siguruar votat e tyre, në mënyrë që të kalojë versioni aktual i Demarkacionit.Ndonëse zyrtarët qeveritarë vazhdimisht janë duke deklaruar se i kanë votat e Listës Serbe për ta votuar Demarkacionin e Kosovës me Malin e Zi, këtë e mohojnë përfaqësues të kësaj partie.

Nenad Rashiq, deputet i këtij subjekti politik, i ka quajtur të pavërteta pretendimet e qeveritarëve se i kanë siguruar votat e tyre, në mënyrë që të kalojë versioni aktual i Demarkacionit.
I kontaktuar nga “Lajmi.net”, deputeti i kësaj partie, Rashiq i ka hedhur poshtë deklaratat e bëra mbrëmë nga këshilltari i kryeministri Mustafa, Faton Abdullahu, ku ky i fundit u shpreh i sigurt se Lista Serbe do ta votojë shënjimin e kufirit me Malin e Zi, proces ky që po zvarritet më shumë se një vit.“Nuk është e vërtetë kjo”, ka sqaruar Rashiq, duke mos i komentuar më shumë deklaratat e bëra nga këshilltari i kryeministrit Mustafa.
Demarkacioni dështoi të ratifikohej më 1 shtator pasi kryeminsitri Mustafa e tërhoqi nga rendi i ditës votimin e tij me arsyetimin se nuk ka pasur kushte. Madje për këtë u fajësua edhe Lista Serbe e cila mungoi në atë seancë.Kjo e fundit vazhdimisht në deklaratat e tyre ka thënë se asnjëherë nuk janë ftuar nga koalicioni qeverisës për të biseduar rreth kësaj çështjeje, që nga dita kur edhe është votuar Hashim Thaçi për president.Ndërkohë, Qeveria shprehet e bindur se i kanë votat për ta kaluar Demarkacionin.
Comments