Shkodra është përfshirë me reshje shiu të dendura, dhe dëborë në zonat malore.
Sipas njoftimeve nga autoritetet përkatëse bëhet me dije se situata është më e qetë. Në bashkinë Vau Dejës raportohet se ka shkëputje të energjisë elektrike.
Gjendja e motit gjatë natës dhe aktualisht është si vijon:
Reshje shiu dhe debore: Aktualmente, reshjet e shiut dhe debore vazhdojnë në zonat malore me intensitet të ulët. Reshje debore janë raportuar në Bashkinë Pukë dhe Fushë Arrëz, por pa krijuar probleme të menjëhershme.
Aksi Boge – Theth: Nga komunikimi me DRV Shkodër, është raportuar se ka reshje debore në këtë aks rrugor, por qarkullimi vazhdon pa probleme. U kërkohet që automjetet të qarkullojnë me goma dimërore për siguri të shtuar.
Energjia elektrike: Strukturat e OSHE nuk kanë raportuar situata problematike, përveç një problem të shkëputjes së energjisë elektrike në Bashkinë Vau Dejes.
Infrastruktura e ujërave: Nga DRUK Lezhë, raportohen reshje shiu prej rreth 10mm/24 orë, por nuk janë shkaktuar probleme në infrastrukturën e kullimit dhe argjinaturën.
Institucioni i Prefektit po monitoron situatën dhe është në kontakt të vazhdueshëm me strukturat e MC për çdo problematikë të mundshme.