Shkëndija ka demoluar Makedonija Gjorçe Petrovin në ndeshjen e javës së 15-të në elitën e futbollit vendor, duke mundur në transfertë me rezultatin 4:0.

Kjo fitore peshon edhe më shumë për Shkëndijën, duke pasur parasysh se rivali i tyre kryesor për titullin e kampionit, Vardari sot pësoi në ndeshjen ndaj Rabotniçkit.

Besart Ibraimi me golin e tij të 10-të këtë edicion paralajmëroi fitoren e Shkëndijës në minutën e 17-të, ndërkohë 10 minuta më pas kapiteni Ferhan Hasani realizoi edhe golin e dytë për skuadrën tetovare.

Me rezultatin 2:0 u mbyll pjesa e parë, ndërsa edhe në pjesën e dytë fjalën kryesore në fushën e blertë e pati, Shkëndija që realizoi edhe dy gola të tjerë.

Një harkim të kapitenit Hasani nga rivënia e këndit në minutën e 65-të më së miri e shfrytëzoi strugani Artim Pollozhani, që shënoi golin e tretë në ato moment për Shkëndijën, ndërkohë Ferhan Hasani doli edhe njëherë tjetër në skenë, kësaj rradhe duke shënuargolin e dytë personal dhe të katërtin për Shkëndijën, që tashmë si duket ka tejkaluar krizën dhe se dalëngadalë po merr formën e duhur, atë që u mësuam ta shohim kur kjo skuadër na prezantonte në garat e Liga Evropa.

Ishte kjo fitorja e 9-të për Shkëndijën këtë edicion, që tashmë e afron këtë skuadër në vetëm 4 pikë ndaj liderit aktual, Vardarit. Shkëndija pas 15 xhirove ka tubuar 30 pikë, ndërsa Vardari vazhdon të qëndrojë në pozitën e parë me 34 pikë.

Goli i Besart IBRAIMIT

https://www.facebook.com/infosport.mk/videos/1124592290989720/

Goli i Ferhan HASANIT

https://www.facebook.com/infosport.mk/videos/1124594684322814/

Goli i Artim POLLOZHANIT

https://www.facebook.com/infosport.mk/videos/1124614347654181/

Goli i Ferhan HASANIT

https://www.facebook.com/infosport.mk/videos/1124619124320370/