SHPEND AHMETI NË MESIN E 28 PERSONAVE QË PO I JAPIN FORMË EVROPËS

94

Moebel THEMA

Shpend Ahmeti në mesin e 28 personave që po i japin formë Evropës

Politiko, gazeta e famshme e politikës, sikur edhe viteve të kaluara ka formuluar në këtë fundvit listën e 28 personazheve të cilat po i japin formë Evropës por edhe po e “dredhin” rendin e krijuar në Evropë.

Në mesin e këtyre 28 personazheve nga kontinenti, gjendet edhe Kryetari i Prishtinës – Shpend Ahmeti. Politiko Europe e quan Ahmetin si “krijuesin e shtetit”, ndërsa tregon se ish i diplomuari në Harvard që nga ardhja e tij në këtë pozitë ka bërë përpjekje të përmirësojë mirëqenien e qytetarëve, e ku përmendet transporti publik, uji i pijshëm, nafta, spitalet dhe mbeturinat.

Në listën e Politico.eu  janë 17 meshkujt dhe 11 femrat nga 28 vende të ndryshme, të cilët kanë marrë vëmendjen e këtij mediumi, ndërsa artikulli është sponsorizuar nga mediumi i famshëm “Sky”.

Lista është bërë në bazë të ndikimit që kanë pasur këta persona nëpër vendet europiane. Prej 28 njerëzve, Ahmeti është në pozitën e fundit.

Kjo 28-she, që quhet edhe Klasa e vitit 2017, ka emra edhe si Erdogani, Isabel Dos Santos e Jellena Milic, kjo e fundit një aktiviste serbe që drejton Qendrën për Studime Euro Atlantike.

Comments