Një shpërthim me tritol ka ndodhur në qendër të qytetit të Fushë Krujës.

Lënda shpërthyese u hodh përpara Shtëpisë së Oficerëve mes disa makinave që ndodheshin të parkuara. Ka qenë një person i paidentifikuar që hodhi tritolin në rrugë dhe më pas u largua me shpejtësi.

Dëshmitarët në vendin e ngjarjes raportojnë për një shpërthim të fuqishëm.

Nga ngjarja nuk ka asnjë person të lënduar, ndërsa janë dëmtuar tre automjete nga shpërthimi i lëndës plasëse.

Policia ka nisur hetimet për të identifikuar autorin e ngjarjes dhe për të zbardhur shkaqet.