Werder Bremeni e shfrytëzoi më së miri faktorin fushë për të mposhtur pasditen e sotme 2-1 Eintrachtin e Frankfurtit, duke krijuar një distancë sigurie prej 10 pikësh me zonën e rënies nga kategoria.
Në “Weserstadion” u zhvillua një lojë e hapur, pasi të dyja skuadra kërkonin maksimumin e pikëve, por në fund miqtë ishin të detyruar të pajtoheshin me disfatën, që i zbret në vendin e 6-të.
Vendasit e gjetën golin në minutën e 28-të me Junuzovic, ndërsa në pjesën e dytë Eintrachti barazoi me Jovic, pasi u shërbye nga Boateng.
Në minutën e 79-të Abraham, në tentativë për të larguar me kokë rrezikun, nxori jashtë loje portierin, duke shënuar në portën e tij, finalizim që i dha tri pikë Werderit.