Kreu i PD, Sali Berisha ka publikuar në rrjetet sociale videon e kryeministrit Edi Rama, nga intervista e dhënë këtë të shtunë për programin në shqip të Deutsche Welle.
Gjatë kësaj interviste, kreu i qeverisë u pyet për marrjen e zv/kryeministres Belinda Balluku nën hetim nga SPAK, për shkelje të barazisë në tendera. Rama u shpreh se “drejtësia ka punën e vet”, duke shtuar se nuk kishte komente të tjera.
Nga ana tjetër, lideri i opozitës Sali Berisha shkruan në videon e publikuar në rrjetet sociale se Rama dhe Balluku kanë ndarë paratë bashkë, ndaj kryeministri shmang komentet për këtë çështje.
“Nuk ka asnjë koment sepse kanë ndarë paratë bashkë!!”, shkruan Berisha.