Spanja e arsyeton statusin e favorites, e “shkel” Kosta Rikën

90

Spanja e ka realizuar fitoren më të thellë deri më tani në Kampionatin Botëror të Katarit.

“Furia e Kuqe” triumfoi 7:0 ndaj Kosta Rikës në xhiron e parë të grupit E në Kupën e Botës, shkruan Gazeta Express.

“Festivalin” e golave e hapi Dani Olmo në minutën e 11-të të ndeshjes, për ta vazhduar Asensio 10 minuta më pas.

Për 3:0 realizoi Ferran Torres nga pika e penalltisë, rezultat më të cilin u mbyll edhe pjesa e parë.

E në të dytën, Spanja realizoi edhe katër herë të tjera.

Moebel THEMA

Ferran Torres e shënoi edhe golin e dytë personal dhe të katërtin për Spanjën në minutën e 54-të.

Në të 75-tën, Gavi e shënoi një gol të bukur, kurse Soler realizoi në minutën e 90-të.

Alvaro Morata e përmbylli me gola në minutën e 90+3.

Me këtë fitore, Spanja tani prin në grupin E me tri pikë, aq sa ka edhe Japonia.

Në vendin e tretë gjendet Gjermania pa pikë, kurse në të fundit Kosta Rika, që po ashtu nuk ka pikë. /Gazeta Express/

Comments