Strugë, alarmante, më pak shqiptarë, e më shumë maqedonas në shkollat e mesme të Strugës

175

Moebel THEMA

struge-640x512

Nxënësit shqiptarë në shkollën e mesme të Strugës cdo vit e më shumë po pakësohen duke humbur kështu epërsinë numerike që kanë pasur kohët e fundit në raport me etnitetet  tjera që vijojnë mësimet në shkollën e këtij qyteti, njofton Drini.mk

Ky fenomen shumë negativ dhe i rrezikshëm për të ardhmen e shqiptarëve në këtë qytet, ka marrë përmasa edhe më të mëdha pas neglizhencës institucionale por edhe aktivitetevetë shumta të partive maqedonase në fshatrat Llabunishtë, Podgorcë, Oktis, nxënësit e së cilëve vendbanime, u janë rikthyer përsëri paraleleve maqedonase.
Zv. drejtori i shkollës së mesme “Niko Nestor” z.Arbër Lloga shprehet i shqetësuar me këto zhvillime, duke thënë se kjo situatë paraqitet për herë të parë që nga ndarja e shkollës në dy drejtori.
“Për herë të parë që pas ndarjes së shkollave, këtë vit kemi më shumë nxënës në gjuhën maqedone (165), se sa në gjuhën shqipe (162), kjo si pasojë e numrit të vogël të nxënësve që na vijnë nga shkollat nëntëvjecare. Sa ju përket nxënësve që vijnë nga f.Llabunishtë është e vërtetë se më shumë ka nëpër paralelet maqedonase se sa në paralelet shqiptare. Sipas të dhënave që disponoj unë, nga 95-96 nxënës që mbaruan klasën e nëntë në Llabunishtë, kanë vazhduar mësimin në gjuhën shqipe vetëm 26 ( në të dy shkollat e mesme të Strugës), pjesa tjetër, shumica e mbetur kanë vazhduar në gjuhën maqedonase, saktësisht nuk e kam si informacion por diku rreth 45-50 nxënës në të dy shkollat e mesme.
Vlen të ceket dhe është për tu diskutuar se këtë vit nxënësit që vinin prej Llabunishte prej shtepie drejtoheshin te  zv.drejtoresha e SHMK “Ibrahim Temo” e cila është maqedonase, por duhet theksuar edhe fakti se në shkollat fillore të fshatrave tona numri i nxënesve ka rënë ndjeshëm, ku sic dihet rajoni i toskërisë, respektivisht fshatrat Ladorishtë, Frëngovë, Shum, Zagracan ,Teferic kishin gjithësej vetëm 54 nxënës” potencon zv.drejtori i SHMK “Niko Nestor”, z.Arbër Lloga për Drini.mk

Rënia e numrit të nxënësve shqiptarë në Strugë por edhe në gjithë Maqedoninë është një tregues i rrezikshëm i cili nxjerr në pah realitetin e zymtë të mirqënies të shqiptarëve në Maqedoni. Migrimi vlerësohet faktori kryesor i shprazjes së shkollave nga shqiptarët por edhe i vendbanimeve në tërësi dhe kjo vjen si pasojë e kushteve të vështira ekonomike dhe paprespektivës të krijuar nga sistemi aktual politik.

Comments