Dy fëmijët e Behare Shehut, në fshatin Renxë të Dibrës, jetojnë në një strehë të përkohshme të ofruar nga familjarët, në një dhomë ku duhet të rrinin deri në përfundimin e shtëpisë, që do ta ndërtonte kryefamiljari, Hektori.

“Ne jetojmë me një pension që më kanë lidhur për burrin, 9 mijë lekë të vjetra. Jetojmë me ndihmën e njerëzve”, tregon Behare Shehu.

Gruaja dhe fëmijët kanë mbetur në mëshirën e fshatit dhe të fatit.
Ndihmat nga bashkëfshatarët nuk mungojnë, qoftë në veshmbathje, miell apo dru zjarri, por dëshpërimi dhe e ardhmja e pasigurtë për fëmijët e saj, 9 dhe 1 vjeç, e shtyn edhe këtë grua, si shumë të tjera që i ka parë në televizor, që të kërkojë ndihmë publikisht.

“Kush të mundet të vejë dorën në zemër, të paktën një dhomë sikur të më rregullonin, sa të fus kokën me fëmijët e mi”, thotë Beharja./ Top Channel