Të shumtë janë ata që i urojnë Elvanës fejesën!

Elvana Gjata thuhet se prej kohësh ka ndryshuar status dhe është fejuar, por unazën e saj floriri e dalluam vetëm mbrëmjen e së enjtes në postimet e publikuara në Instagram.

Këngëtarja, e cila po provon aftësitë e saj në aktrim duke xhiruar një film me Ermal Mamaqin, publikoi 5 foto ku shfaqet vetëm profili i saj dhe detaji që tërheq më shumë vëmendjen është unaza në gishtin e fejesës së dorës së djathë.

Unaza nuk ka shpëtuar pa u vënë re edhe nga ndjekësit e saj në rrjetin social, të cilët pyesin të habitur nëse Elvana është fejuar apo bëjnë urimet përkatëse.

Ndërsa grupit tjetër të komentuesve i është tërhequr vëmendja nga tiparet e këngëtares, për të cilat shkruajnë se ka bërë ndërhyrje.