Thaçi: Vota për partitë e vogla është votë e humbur

Lideri i PDSH-së, Menduh Thaçi, zhvilloi një takim me banorët e Veleshtës, ku prezantoi platformën politike me të cilën do të garojnë në zgjedhjet e parakohshme parlamentare që do të mbahen më 11 dhjetor në Maqedoni.

Para anëtarëve dhe simpatizuesve të partisë, Thaçi i bëri thirrje që të votojnë për partinë e tij, pasi vota për partitë e vogla është votë e humbur.

Lideri i PDSH-së theksoi se me platformën e partisë së tij, do të angazhohen për shpërndarjen e drejtë të buxhetit që shqiptarët të kenë kushte të barabarta për jetesë me maqedonasit.