Tmerruese, producenti i Hollivudit dënohet për vrasje dhe përdhunime në seriale

Producenti i Hollivudit, David Pearce, është dënuar me 146 vjet burgim pasi u shpall fajtor për vdekjen e dy grave në vitin 2021, si edhe për një seri sulmesh seksuale ndaj grave të tjera.

Pearce është përgjegjës për vdekjen e modeles Christy Giles dhe shoqes së saj Hilda Marcela Cabrales-Arzola, të cilat vdiqën nga mbidoza, transmeton Indeksonline.

Sipas zyrës së prokurorit të distriktit të Los Anxhelosit, Pearce dhe një burrë tjetër, Brant Osborn, u takuan me Giles-in dhe Cabrales-Arzola-n në nëntor 2021.

Autoritetet pretendojnë se gratë shkuan me to në apartamentin e Pearce, ku iu dha një dozë vdekjeprurëse e barnave GHB dhe fentanil.

Pasi gratë humbën ndjenjat, Pearce dhe Osborn i nxorën ato nga apartamenti dhe i lanë në dy spitale të ndryshme në zonën e Los Angeles.

Giles vdiq para se të arrinte në spital, ndërsa Cabrales-Arzola kaloi 11 ditë në aparatura përpara se familja e saj të merrte vendimin për t’i hequr ato.

Përveç vdekjeve të dy grave, Pearce u dënua gjithashtu për përdhunimin e shtatë grave të tjera midis viteve 2007 dhe 2021.