Turqia do të vendosë avionë luftarakë në Estoni dhe Rumani, si pjesë e misioneve të NATO-s

Nga admin8 Me Jan 15, 2026

Turqia planifikon të vendosë avionë luftarakë në Estoni dhe Rumani, si pjesë e misioneve të shtuara të policisë ajrore të anëtarëve të NATO-s, njoftoi sot Ministria Turke e Mbrojtjes.

Siç është raportuar, Turqia planifikon të kryejë një vendosje katër-mujore në Estoni midis gushtit dhe nëntorit të këtij viti, e ndjekur nga një rotacion tjetër në Rumani nga dhjetori 2026 deri në mars 2027, raporton Reuters.

Ministria njoftoi se Turqia kontribuoi ndjeshëm në operacionet e policisë ajrore të NATO-s, qëllimi i të cilave është mbrojtja e hapësirës ajrore aleate në një mjedis paqësor.

Dislokimet e planifikuara vijnë në një kohë kur NATO po forcon mbrojtjen e saj ajrore pas shkeljeve të përsëritura, siç është raportuar më parë, të hapësirës ajrore të aleatëve nga Rusia.

Turqia do të jetë gjithashtu mikpritëse e samitit të ardhshëm të NATO-s në korrik.