Një aksident me viktima ka ndodhur mesditën e sotme në kryqëzimin e Kolonjës në Lushnjë. Një makinë ka dalë nga rruga duke përfunduar në kanalin anë rrugë.

Nga ngjarja ka humbur jetën Q. Sh., 55 vjeç. Sipas policisë rreth orës 13:36, në aksin rrugor Fier-Lushnjë, në vendin e quajtur “Rotondua e Kolonjës” shtetasi Q. Sh., 55 vjeç, banues në Lushnjë, duke drejtuar mjetin tip Volkswagen me targa AA 831 CM, ka humbur kontrollin e mjetit dhe ka rënë në kanal ku ka gjetur vdekjen e menjëhershme.

Në vendngjarje ndodhet grupi hetimor dhe po kryen veprimet për zbardhjen e shkaqeve të kësaj ngjarje.

Nga pamjet, makina duket se është shkatërruar nga përplasja.