Trajneri i Kosovës, Albert Bunjaku ka dhënë një mesazh për tifozët të cilët janë në dilemë se cilën kombëtare të shohin për arsye se Shqipëria dhe Kosova do të përballen në të njëjtin orar.

Duke folur për emisionin “Arena” në Tribuna Channel drejtpërdrejtë nga Finlanda, Bunjaku i ka bërë thirje tifozëve të përkrahin dy kombëtaret.

“Dy minuta shef këtej 5 minuta andej dhe kur del topi jashtë që nuk ka lojë, tifozët të ndryshojnë kanalin për të përkrahur kombëtaren tjetër. Mesazhi im është që tifozët të përkrahin të dy kombëtaret, jemi një. Duhet të përkrahim Kosovën dhe Shqipërinë madje edhe shqiptarët e Maqedonisë apo Malit të Zi kudo që janë”, u shpreh Bunjaku.