Vodhën një telefon në Prizren, policia kërkon ndihmë për identifikimin e tri grave

84

Policia në Prizren është duke kërkuar identifikimin e tri grave të cilat dyshohet se kanë vjedhur një telefon në një prej qendrave tregtare.

Aty dyshohet për veprën “Shpërdorim të pasurisë së huaj”, transmeton KlanKosova.tv.

Moebel THEMA

“Me datën 29/12/2022 në ora 23:45, ankuesi B.M. ka raportuar se gjatë blerjes të gjësendeve në qendrën tregtare “Lorik”, në rr. “Wesli Klark”, Prizren , e kishte lënë telefonin Samsung A11 ku pasi kishte qenë duke e kryer pagesën, e ka lënë telefonin në tavolinë dhe në ato momente tre femra të dyshuara, të panjohura e marrin telefonin duke e fshehur dhe largohen nga lokali”, njofton policia.

Policia e Kosovës kërkon nga qytetarët që kanë informacion për identitetin apo vendndodhjen e personave të dyshuar në fotot e bashkangjitur, të lajmërojnë apo të lajmërohet në stacionin më të afërt policor.

Comments