Vrasja e Ilia Karelit, gardianë të burgut grek pranojnë dhunën

287
Ilia Kareli

Është zhvilluar sot në Greqi seanca gjyqësore ndaj gardianëve që torturuan deri në vdekjen shqiptarin Ilia Kareli në burgun e Nigritas.

Nga 14 persona të akuzuar, vetëm dy kanë pranuar se përdorën dhunë ndaj 42-vjeçarit shqiptar.

I pari prej tyre pranoi se e kishte qëlluar Ilia Karelin “dy herë me grushte dhe dy herë me shkelma” dhe shprehu pendesë në Gjykatë.

Të pandehurit e tjerë mohuan të gjitha akuzat se kishin ushtruar dhunë ndaj shqiptarit në vitin 2014, pavarësisht se kamerat e sigurisë së burgut tregojnë të kundërtën.

Gjatë pyetjeve të vazhdueshme në Gjykatë, disa flisnin për goditje dhe shuplaka.

Seanca e radhës gjyqësore do të zhvillohet më 28 shtator. Torturimi deri në vdekje i Ilia Karelit në burgun grek të Nigritas 2 vite më parë tronditi opinionin publik.

Comments