Koronavirusi nuk ndalet në Itali, 812 viktima gjatë 24 orëve të fundit

Përgjatë ditës së sotme, janë raportuar më se 812 vdekje lidhur me koronavirusin.

Raporti 24-orësh është publikuar në platformën Worldometer. Kjo ka bërë që numri i përgjithshëm i vdekjeve të arrijë në 11,591, duke e bërë vendin me numrin më të madh të humbjes së jetëve nga virusi.

Ndërkohë, vendi ka raportuar mbi katër mijë raste të reja të infektuar me pandeminë e koronavirusit. Bilanci i përgjithshëm i të prekurve në Itali ka arritur në 101,739.

Evropa është konsideruar nga Organizata Botërore e Shëndetësisë si vatra e COVID-19.

Deri më tani, shteti me numrin më të madh të rasteve janë Shtetet e Bashkuara të Amerikës.

Spanja dhe Gjermania vazhdojnë të raportojnë numër të madh të rasteve përgjatë periudhës 24-orëshe.