Ky është filmi që ka propozuar Kosova për “Oscars 2022”

99

Kosova e ka propozuar filmin “Zgjoi” nga Blerta Basholli për Oscars 2022, raporton Express.

Lajmin e ka bërë të ditur Qendra Kinematografike e Kosovës, përmes një postimi në faqen zyrtare.

“Tri herë fituesi i Fesitvalit të Sundance ‘Zgjoi’ nga Blerta Basholli propozohet nga Kosova si kandidati i saj zyrtar për garën e Oscars”, thuhet në njoftim./Express

Postimi i plotë:

KOSOVA PROPOZON FILMIN ‘ZGJOI’ NGA BLERTA BASHOLLI PËR OSCARS 2022

Tri herë fituesi i Fesitvalit të Sundance ‘Zgjoi’ nga Blerta Basholli propozohet nga Kosova si kandidati i saj zyrtar për garën e Oscars.

“‘Zgjoi’ është sa intim, aq edhe universal, që prekë thellë me tregimin e dhimbjes, qëndrueshmërisë dhe përfundimisht triumfit. Filmi është i realizuar me mjeshtëri në mënyrë realiste, të përmbajtun dhe me gravitet të thellë. Tregimi i vërtetë i Fahrie Hotit në ‘Zgjoi’-n është shprehje kinematografike inspiruese në sfidimin e status quose dhe rolet nënshtruese të konstruktuara nga shoqëria në Kosovë dhe botë” deklaroi e komitetit selektues pas përzgjedhjes së filmit.

Komiteti Selektues i aprovuar nga Akademia Oscars kishte këtë përbërje:

Moebel THEMA

Antoneta Kastrati

Ilire Vinca

Kaltrina Krasniqi

Blerta Zeqiri

Alban Uka

Samir Karahoda

Norika Sefa

“Zgjoi” ka për producent Yll Ukën, Valon Bajgorën dhe Agon Ukën; drejtor fotografie Alex Bloom, montazher Enis Saraçi dhe Félix Sandri, dhe me bashkëproducentë, Britta Rindelaub-in, Kristijan Burovski-n, Tomi Salkovski-n, dhe Paskal Semini-n. Në rolin kryesor luan Yllka Gashi, ndërsa në rolet tjera luajnë Çun Lajçi, Kumrije Hoxha, Aurita Agushi, Kaona Sylejmani, Mal Noah Safçiu, Adriana Matoshi, Astri Kabashi, Molikë Maxhuni, Blerta Ismaili, Valire Haxhijaj Zeneli, Armend Smajli, Ilir Prapashtica, Xhejlane Terbunja, Shkelqim Islami etj; “Zgjoi“ është bashkëprodhim në mes të Kosovës, Zvicrës, Shqipërisë dhe Maqedonisë së Veriut, dhe me drejta të shitjes globale nga LevelK.

Comments