Një veturë godet turmën e njerëzve në Berlin, së paku shtatë të lënduar

67

Së paku shtatë persona janë lënduar pasi një veturë goditi një turmë njerëzish afër një stacioni të trenit në Berlin.

Raportohet se një person është bllokuar nën veturën e tipit Mercedes GLK me ngjyrë të zezë pasi vozitësi i dyshuar e drejtoi atë nga këmbësorët në Hardenbergplatz, shkruan “Daily Mail”, transmeton Gazeta Express.

Rreth 55 zjarrfikës shkuan në vendin e ngjarjes pas incidentit që ndodhi rreth orës shtatë të mëngjesit. Aty arritën edhe policët me qen nuhatës për gjetjen e mundshme të ndonjë mjeti shpërthyes.

MÖBEL THEMA

Autoritetet njoftuan se tre persona kanë pësuar lëndime serioze nga goditja me veturë. Dy helikopterë janë përdorur për të ofruar ndihmë për të lënduarit.

Vozitësi i veturës është arrestuar në vendin e ngjarjes. Një zëdhënës i policisë tha se besohet që vozitësi e ka humbur kontrollin përderisa kthehej majtas me shpejtësi të madhe.

Deri më tani nuk ka dëshmi se goditja me veturë ka qenë e motivuar në aspektin politik apo religjioz. Policia është duke e hetuar rastin.

Comments