45 vendvotime të rinumëruara deri tani, procesi po vëzhgohet nga policia e prokuroria
QNR ka vijuar me rinumërimin e votave në 530 vendvotimeve.
Deri të enjten në mesnatë, janë rinumëruar 45 nga 530 vendvotimet për të cilat ka marrë vendim KQZ-ja, shkruan lajmi.net.
Këtë e ka konfirmuar për lajmi.net edhe zëdhënësi i KQZ-së, Valmir Elezi.
“Deri të enjten në mesnatë janë rinumëruar 45 nga 530 vendvotimet për të cilat ka marrë vendim KQZ-ja. Rinumërimi është duke vijuar”, ka thënë shkurt ai.
Ndërkaq, rinumërimi po bëhet edhe në prani të Policisë dhe Prokurorisë së Kosovës.
Kjo me kërkesë të kryetares se KQZ-së, Valdete Daka e cila përmendi dje parregullsitë e shumta me të cilat është shoqëruar procesi i numërimit.
Ndërkaq nga QNR kanë kategorizuar në pesë pjesë parregullsitë e evidentuara gjatë procesit të numërimit të votave. /Lajmi.net/