Man Utd mposhtet nga West Ham!

Paul Pogba kaloi një ndeshje dëshpëruese ndaj West Ham United.
Manchester United është thelluar në krizë.

Skuadra e Jose Mourinhos u mposht në udhëtim te West Ham United me rezultat 3:1.

Dueli solli një tjetër dëshmi të përplasjes mes Mourinhos dhe mesfushorit Paul Pogba.

Mourinho e zëvendësoi yllin francez në minutën e 71-të të takimit me përforcimin e ri, Fred, përcjell “lajmi.net”.

Pogba nuk dha shenja të përmirësimit të raportit me Mourinhon derisa doli nga loja duke shtuar presionin mbi portugezin për të vazhduar në postin e menaxherit te Man Utd, pas humbjes së tretë në sezonin e ri në Premierligë.